Kaning akong sulat karon, agi’g pasalamat sa mga taw nga miagi, mibasa sa mga sinulat ning akong blog. Labi na ang mga mibilin sa ilang comments ming niaging mga bulan nga wala nako mareplyan.
Taud-taud na gyud ning mibakasyon ug kaanindot panumdumon nga bisan pa man sa ka-tagsa na lang ko ning ma-update, naa gihapon makagahin og panahon nga mobasa ning akong gamayng mga sinati nga kahibaw ko daghan usab ang maka-relate. Puhon, mapun-an pa ning akong mga sinulat aron pagtabang kaninyo og pahinumdom sa atong mga kaagi dinhi sa Sugbo sama sa mga nasulat na kanhi – kadtong pagpainit og puto’g sikwate, pag-warawara sa kamot inig kanta’g Batobalani sa Gugma kon Pista Senor, ang pag-istambay, ug uban pa. Unta, sama sa inyong paggahin og oras sa pagbasa, makagahin na pud ko’g oras nga makasulat na pud alang niining blog site.
Daghan kaayong salamat mga sama nakong mga Bisaya!
Now you're talking! :)