Posted by: annpeace | December 10, 2008

Dispatser

Dispatcher o dispatser – mga taw nga tigpanawag og pasahero aron mosakay sa jeep. Sila makit-an sa hapit kada jeepney stop sa dakbayan sa Mandaue…daghan pa gani tingali ni sila sa jeepney stop…pero labing siguro daghan ni sila sa usa ka jeepney stop.

Sila hinungdan sa dugang kasapot sa mga drayber (kabantay lang ko nga saputon gyud ning mga drayber, kada buntag kita’g kalalis). Kay maayo ra ba’g modawat ning mga dispatser og piso! Sa balita pa, pagsaka sa presyo sa petrolyo misaka pud ang singil sa mga dispatser ngadto sa mga drayber. Pero ang mga dispatser igo lang moingon – “Maayo na lang ni kaysa mang-isnatch” (Whichever is lesser evil?) Asa ka ana?

Tagsa nila mga bata, kasagaran hamtong na, naa gani bakol nga dinha sa gawas sa North Atrium motambay, kausa nakakita pud ko og babaye apan pagsunod nako’g kita nag-uniporme na siya’g blue – apil na diay siya sa TEAM (kanhi TEDMAN, equivalent sa CITOM). Aw, naglibog ko, mura’g konduktor diay to siya sa una. Basta ang akong nahinumduman, kusog kaayo to siya mosyagit panawag pasahero dayon basta samukan ang mga naa sa jeep, makabantay dayon siya ug moingon, “Sorry lang gyud Sir ug Mam, pamugas intawn ni”.

Naa’y uban nila hubog pirmi og nawng, naa’y daut, naa’y tambok. Kadaghanan dakong taw nga kung tan-awn nimo, pwede kaayong magkargador sa Carbon o mamanday ba kaha. Bag-ohay lang ang uban nila mohapit pa gyud og panaygon.
Hahay… igo na man lang tang makapanghupaw. Ang mga drayber wala’y mahimo (ayo’g birahan! Usahay maghulga-hulga baya gyud nang uban).

Kinsa ma’y naa’y mahimo? Ug magsalig ta nga ang dispatser tugkan og kaikog og mohunong ining bisyoha, aw ugma damlag naa na gyud na sila’y United Professional Dispatchers Association… makatukod na sila’g coop ug magtukod og opisina sa IT Park. Kay dili na man sila maato sa kadaghan, ang uban day shift ang uban night shift. Ang ilang income makatabang sa pag-uswag sa ekonomiya sa Pilipinas.

Ana lang…


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: