Posted by: annpeace | March 27, 2009

Mangaon ‘Ta!

Karon nga krisis ug naghingabot na ang Mahal nga Adlaw, uso ang utan bisaya o utan law-oy sa balay. Dili man sad sa ingon nga pirmi na lang pud ta gasud-an og karne, pero sa tinuod, tungod sa daghan na ang kan-anan sa silinganan, dali na lang kaayo ang pag-palit og “luto daan” sama sa menudo, ginaling, ginamay, ginisang baguio beans, battered chicken, adobong baboy, bola-bola, lumpia shanghai, crab meat, paklay, dugo-dugo, tortang tawng, tortang bulinaw, piniritong isda, barbeque, monggos, ug uban pa.

Tungod ba kaha kay gamay na lang ang naa’y tanom kamunggay ug alugbati sa nataran sa mga kabalayan maong tagsa na lang pud ang mag-utan bisaya? And wala na man sa’y katamnan og utanon sa mga nataran labi na’g gi-landscape na. Samtang ang uban, wala gyu’y matawag nga ilang nataran.

Sa una katong gagmay pa mi sa akong mga igsuon (di pa sad kaayo to dugay ha, maayo nang magklaro ta daan..hehehe..), sa tibuok semana, maglabi gyud nga utan ang sud-an labi na sa panihapon (kay sa pamahaw prayd itlog, chorizo, buwad, o tocino; sa paniudto mao gihapon kay gibawn man..hahaha!).

Inig ka Dominggo ra man to nga abunda sa pagkaon ug lami kaayo ang mga ipanghikay sa lamesa – pinakupsan o di ba kaha, linat-ang baboy, usahay pochero, lechong baboy o litson manok, adobong nukos, dagko ug til-ugon nga isda nga kinompra sa Pasil pero gikan gyud sa lawod sa Palawan (isugba dayon isawsaw sa toyo ug suka nga binutangan og sibuyas bumbay, tamatis, ug siling kulikot), pansat nga gikan sa among fish pond kaniadto nga wa pa kini na-prenda ipangbayad sa eskwelahan, tinunuang alimango nga akong paborito, ug uban pa (mura ma’g maligo’g dagat padu’ng! Hehehe…). Mao ra pud diay tong mga adlawa nga naa’y prutas – hinog nga mangga (drool on)!

Daw usa ka dakong selebrasyon ang Dominggo kay naa ang tibuok pamilya sa balay. Bantog ra gyud nga dagko kaayo mi’g lawas.

Other Cebuano attempts on Ang Mga Sinibuwanong Sinulat.


Responses

  1. heheheh ngano kaha kung domingo daghan2x og medyo lami man ang sud-an noh?.. sa amoa kaniadto basta domingo di jud mawå ang nilat-ang baka kung di gani balbakuwå (malapot nga panit sa baka)…😛

  2. Sakto gyud diay sila no, nga anha sa pagkaon atong makit-an ang kulturang Pilipinhon, ang batasang Binisaya.

    Domingo sa paniudto bitaw ang maingon ta nga gamayng pista sa balay. Amoa sad, dili hinoon buhong ang among lamesa, pero si Mama (sa wa pa siya mingtaliwan ning walog nga luhaan) magluto’g tanang matang sa sud-an nga baka: bolabola, sabaw, steak, ubp.

    Morag nabatasan nato nga ighuman sa simba sa sayos buntag, gana kaayo ang kaon sa paniudto.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: