Posted by: annpeace | April 15, 2009

Lisod ang kontra

Gahapon gisuwayan ko pag-usab ang pagsuwat og usa ka sugilanong Bisaya. Kahibaw ko nga dili pa kadto ang saktong panahon nga balikan ko ang pagbuhat og istorya apan kahibaw pud ko nga giusikan ko lang ang mga adlaw nga milabay sa paghuwat nga naa’y moabot nga saktong mga pulong. Kay dili ba, ang usa ka tagsulat, dili mohuwat kon dili mobuhat?

Suma’a pa sa giingon ni William Forrester (Sean Connery) sa salidang Finding Forrester, “No thinking – that comes later. You must write your first draft with your heart. You rewrite with your head. The first key to writing is… to write, not to think!” Kapila na ko nakadungog ani – sa nagkalain-laing pinulongan, sa lain-laing paagi sa pagkasulti, gikan sa lain-laing mga taw – apan di gyud nako ni masabtan kung unsaon bisan pa nga nakasabot ko sa buot ipasabot niini. Siguro linghod pa gyud ang akong pagka-“magsusulat” ug taphaw pa gyud ang akong kahibalo ug kasinatian. Siguro sad, naglabi ang akong paghuwat kaysa pagbuhat.

Kay lagi gibalikan ko man ang pagsuwat-suwat (mura ma’g duwa-duwa) og sugilanon, gihinumduman ko ang giingon ni Forrester. Gisuwayan nako ang dili paghuna-huna sa unsa’y sakto ug angay. Gisuwayan nako nga dili panumbalingon kung nindot ba paminawon o basahon ang akong ginama. Wa nako tagda ang kabalaka nga sa kataposan, wala ra diay gihapo’y lami ang sugilanon, wala’y hinungdan.

Literal kong nanglimbasog kay sa tunga-tunga sa istorya, nindot na hunongan, nganong magkapoy-kapoy man gyud? Nganong kinahanglang mogasto og tanlag nga malinawn ra man unta ang akong pagpuyo bisag dili ko magsuwat-suwat og sugilanon (o balak, o gumalaysay)? Pila ra gu’y pagpapas sa tanan nakong nasugdan. Mas dali pa gyud karon nga naa’y ctrl + a dayong pislit sa delete. Dili angay pang padayunon ang usa ka sinulat nga “mediocre” ang gawas.

Nag-away ang kamot ug ang huna-huna, ang kasing-kasing ug kalag… Tinuod, dili lalim nga makigdebate sa kaugalingon. Gani ingon sila (ug mo-uyon pud ko), ang imong kaugalingon ang labing lisod kontrahon – pildi o daog, ikaw ra gihapon na.

Wa lang pud damha, nahuman nako ang sugilanon. Wa pa ko ni basaha pag-usab kay “we need space”. Nalipay ra sad ko kay bisag unsaon, naa ra ko’y nakab-ot sa maong pakigbisog – kon dili man ang pagbuhat og istoryang nindot, bisan man lang ang pagbuntog sa kaugalingong mga kahadlok ug pagduda.

“For if we wait too long, we risk learning that life is not a game that is won…or lost…it is a game that, too often, simply isn’t played.” – William Forrester

More Cebuano attempts on Ang Mga Sinibuwanong Sinulat.


Responses

  1. Gasto og tanlag – AKONG NOMENCLATURE!!!!!!!! wahahahaha.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: