Posted by: annpeace | May 20, 2009

Old School Snack: SkyFlakes

Aron paglikay sa pasmo.

Sukad kaniadtong bata pa ko, mao na gyud ang akong sakit maong maabsent sa eskwelahan (gawas sa tapul) – hilanat tungod sa “pasmo”.

Pasmo gyud lagi dayon ang ni ipasangil ni Lola ug ni Mama. Kay kuno mokaon og ice candy o moinom og bugnawng tubig bisag wa pa’y paniudto o panihapon.  Kay kuno nagpapasar-pasar na pud og kaon.

Mao na nga ang ilang tambag pirmi, magbawn kuno ko og M.Y. San SkyFlakes (SkyFlakes gud!) o White Rabbit aron naa ko’y masima-sima bisan asa pa ko abtan og gutom. “Pugong sa pulso, aron dili mapalso,” maoy pirming pulong sa akong apuhang babaye.

Ambot, gahion man gyud ko’g ulo. Para nako, dili mosalir ang biskwit ug samot ang candy. Apan ila gyud ‘tong ipamugos “maayo na lang ba”.

Uhm...it's like Tambay goes sosyal for a night. :) Photo by Jose Lewis Gachalian.

Uhm...it's like Tambay goes sosyal for a night.🙂 Photo by Jose Lewis Gachalian.

Kay tinuod, dili lalim ang pasmo.  Ang sintomas nga pasmo ang hinungdan sa hilanat kay labad sa ulo, usahay ang pikas nga bahin ra sa ulo. Malipong, dayon magbalik-balik ang hilanat bisag unsao’g tumar og Biogesic. Bugnaw ang lapa-lapa ug ang mga kamot. Mao man na ilang ingon. Naa pa man gani sila’y gitawag og nagkapatong-patong nga pasmo, mas lisod ayuhon.

Pero pila ra man pu’y panghimasmo – ang tambal sa pasmo.  Sa una, ila kong là-gaan og bahaw o dukot nga sinagula’g dahon sa mangga, ice, ug coke (usahay kung wa’y mangga coke ra, kung wa’y coke, mangga ra). Dayon inig bukal ipakanaog ang kaserolang gilutoan sa himasmo. Ang akong ulo, tiyan ug luta-lutahan ipatungod sa kaserolang wa’y tabon aron kuno ko panington gikan sa inalisngaw sa himasmo. Bukotan pa gyud diay ko ato’s habol aron wa’y asong makaipsot – mao na’y gitawag og tuob.

Inig human sa ritwal, ipahigop ang sabaw ug ipakaon ang dukot.

Ug di pa ko maayo inig ka ugma, usban og kausa. Tuod man, inig ka sunod adlaw, pwede na ko maligo kay aron moeskwela. Unya kay gikan pa man sa sakit, mopatuo na lang ko kung pabawnan ko’g SkyFlakes o White Rabbit para snack.  Pero karon, sosyal na man – basta snack gani, yogurt na man ug Fit n Right fruit snack na man diay ang ipasabot (ingon ang TV ad).

Kining pamaagiha sa paghimasmo base lang sa kasinatian. Ambot kaha unsa pud ang sa uban. Ug lain pa’y ato, in fairness, ang SkyFlakes usa ka Filipino nga produkto nga binuhat sa Monde M.Y. San Corporation. Support Pinoy!

Ang uban sa akong mga Sinibuwanong sinulat makit-an dinhi. Mga sinulat kabahin sa kulturang Cebuano ug Filipino dinhi pud.


Responses

  1. “Inig human sa ritwal, ipahigop ang sabaw ug ipakaon ang dukot.”
    LOL…
    ann, unya unsa may laså sa sabaw sa saksak-sinagol nga dahon sa mangga, ice, coke ug dukot?😀

    • Uhm…di ko kahibaw unsaon pag-describe. Ang pinaka-dominant sa akong memory kay mura’g coke nga layaw, init lang. hehehe…

  2. nakasuway na raba sad ko sa coke ug bahaw, pero ang bahaw may partner nga kinilaw, pagkahuman usa pa inom sa coke nga bugnaw dili init… hehehehe

    nice post, nalingaw sad ko og basa…🙂

    cheers sa coke nga bugnaw… este redhorse na man diay ang uso karon diha noh… ;P

  3. Heheh.. wala ko kasuway anang himasmo, Ann kay akong Mama dugay ng ni migrate sa syudad sa Sugbo nga gikan sa probinsya.heheh.. mao ng sa syudad nami nag dako. Apan, nka saksi gyud ko ana nga pamaagi didto ghapon sa probinsya sa akong mama sa dihang aduna silay paryente nga gi himasmohan. Ingon ana nga pamaagi.heheh

  4. Pandesal ug sikwate ang tambal sa pasmo! Growing up back then, we don’t eat junk food, banana cue was the paborito, sikwate ug puto, lami sad. We eat more fruits, saging, tambis, lumboy and many more.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: