Posted by: annpeace | May 10, 2012

Tambay goes Pan de Manila

Unsyalan ba. Sa panahon sa akong mama, ang pan de sal mura og gidak-on sa tag-singkong pan nga Francis karon. Ug niadtong panahona, tag-singko ang pan de sal – singko’s tabos.

Kay kini akong inahan ganahan man mamainit kay sa mamahaw mabuntag, ako siyang gihapitan og pan de sal sa Pan de Manila. Kay lagi ingon man sila, lami kuno ang pan didto, healthy pa. Whole wheat man gud ang gamit. Lami pa’s pan sa among silingang bakery (pero affordable kaayo ang sa among silingan, mopalit ka gani’g balig PhP30 nga pan, pakapinan ma’g usa ka tagsingkuhong pan – tam-is o tab-ang, pili lang).

Tuod sa akong paggawas gikan sa trabaho, gisubay nako ang dan padulong sa e-Bloc sa gibantog nga panaderia. Ang Pan de Manila, sa pangalan pa lang, klaro nang de taga-Sugbo. Bag-ohay lang sila miabot dinhi apan daghan na kaayo sila’g branches – pipila naa sa Mandaue, naa pud sa SM, sa Ayala, ug uban pa.

Gawas sa pan, naa pud sila’y homemade peanut butter, Spanish sardines, jam, ug daghang nagkadaiyang palaman ug pagkaong maayo isuwa sa pan.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: