Painit na! No coffee, no tea, just SIKWATE!!!

Basta ingon aning bugnaw ang panahon, lami ihigop og sikwati (or sikwate, whichever is which) sa sayong kabuntagon.  Ug unsa pa man diay pares sa sikwate, kon dili puto ra gyud.  Ambot lang kaha sa uban, pero ako, basta dili gani sikwate ang isuwa sa puto (ug vice versa :D) dili na lang ko mopainit, diretso na lang ko pamahaw.  Dili man sad ko hingaon og pan inig ka buntag.

Haaay…igo man sad tang makahinumdom sa katong bata pa ko.  Sayo kaayo ming momata sa akong lola ug akong mga ig-agaw ug igsoon para manglakaw padung ila Nang Baling, ang inilang tighimo og puto sa among lugar!  Inig abot namo didto, molingkod dayon mi sa iyang taas nga lingkuranang hinimo sa kawayan (mura’g lantay) ug maghuwat nga taksan og puto nga gikan sa dakong planggana. Gamit ang kutsarang pinutos og silupin (mao man ilang tawag sa plastic sa una, borrowed from cellophane), iya dayong butangan og tagsa ka takos nga puto ang among platito.  Ang sikwate usa niya i-serve, kusu-kusuon (OMG! Nakalimot ko sa sakto nga term!!! Waaaah! Hasta akong lola ug akong papa kalimot pud) gamit ang boloniyo (errr…ambot sad unsa’y sakto ani…) aron makutaw ug malanay pag-ayo ang tabliya – kadtong mga lingin nga gikan sa liso sa cacao dili pa intawn 3-in-1 o gikan ba kaha sa Switzerland.  Ang uban niyang tasa kay katong mga puti og kolor nga mapakpak madugay’g ginamit? Mura’g stainless (parehas sa…excuse me for this, arinola?)…paita, nakalimot na pud ko sa term ato.  Tiguwang gyud.

Basta busog na mi, mokuot dayon si Lola og sinsiyo sa iyang pitaka (dili gubaon..hehehe…) aron bayran ang mga nahabhab sa mga gagmitoyng bata.  Wala pa ma’y pangayoa’yg chit ato.  Siyempre, dad-an gyud namo ang mga naghagok pa sa balay paggikan namo.   Mag-take out mi’g mga kinse kabuok og mao to nga puto ang puston og dahon sa saging, purmahon og triangle.  Ang sikwate, usahay, naa ra man pud mi tabliya sa amoa, so, kami na lang ang maghimo.

Hahay…primitive days…hehe… You know you’re getting older when you start reminiscing, or, recounting. Ang puto karon wa na’y lami…dili na pure pilit, sinagulan og NFA rice…mas mahal pa gyud. Commercialized.

What is Sikwati? Sikwate or sikwati is a traditional Visayan or Filipino hot chocolate drink made from choco tablets which are created from cacao seeds. It is usually paired with puto (sticky rice) but may also be great with pan de sal for breakfast!

Other Cebuano entries on Pinalid nga Panid

Responses

  1. Bai, kanang kuso-kuso sa labhunon na. Ang term para sa sikwate kili-kitihon. Boloniyo ang luto-anan unya ang pangkili-kiti, batirol… hehehe

    Sartin ang ngan sa baso o platito nga, eksakto ka, pareho sa arinola ug materyales…

  2. Daghang salamat Bai sa imong corrections! Dili lang ko na usbon para kitang katag ba… Hehehe…

    Salamat pud sa pagbisita ug paggahin og oras aron basahon ang akong sinulat.

  3. naglaway ko dah! sikwate og biko ang akong paborito😛
    suroy2x lang ko ha…

    • salamat sa pagsuroy! enjoy yourself lang. hehe…

  4. Waa!

    I miss that kind of puto here in Consolacion. T_T
    Naglaway ko samtang nagbasa! Wahaha!

    Agi-agi lang kow. =))

  5. gigutom nalang ko paghuman nako ug basa sa imong post dah! lami ang puto ug sikwate kung ipares pud ug manggang hinog (kanang tam-is)hehe

  6. Hi ann, nindot keo imung blog og nalingaw jud ko og basa – basa.Makahinumdum jud ta sa kaniadto..hehehe..

    • haha! thanks, ana gyud siguro. basta malingaw ka’s imong pagsuwat malingaw pud ang magbasa labi na kay magkasinabot ra.

  7. heheheh..mao gyud….na modernized na pud ang atong puto karon…naa nay mix bugas…kung dili commercial, NFA gyud.hehehehe gi gutom ko da!

  8. hi ann salamat sa imong blog ha…unsa gani ang ibutang sa pilit para mura cya og brown..pero dili biko..hehehe…puti ra man gud ni na pilit akong napalit dinhi sa among lugar…nya pwede man na choco powder ang akong gamiton na sikwate no?…gimingaw jud ko og puto og sikwate oi..atong july niuli ko sa atoang pinalanggang sa Cebu..wa na man koy nakit an sa mga kalsada na namaligya og painit oi…sauna kada iskina naay painitan sau sa buntag karon mingaw na kau…didto tawon ko kakita og painitan sa mandaue..gusto ko magluto og puto og sikwate labi na bugnaw na deri sa among lugar(N.Y.C)…mau unta og matagaan ko nimo og tubag …salamat daan,Ann..amping mo tanan!

    • hi maritess. dili man ko sure anang pa-brown, naa ba’y brown sugar diha sa inyo? kay if brown daan nga pilit, tingai mao na imu gimean. sige lang ako iask akong mama balik den moreply ko balik ani. hehehe.. sa sikwate, ok ra ang choco powder pero mas lahi gyud ang aroma sa tabliya nga hinimo sa pure nga kakaw. dinhi bitaw, tinuod, lisod na ang pagpangita painitan, pero sa simbahan dapit or merkado, for sure naa jud paainitan. maayo unta nga makasuroy na pud ka balik soon. Merry CHristmas ninyo diha sa US!🙂

  9. hahah…nalingaw ko sige basa ani. karon ra ko kaagi dire gikan pagbalhin nako dire sa Manila. gimingaw nuon ko pag-ayo sa Cebu, labi na nga niagi pa lang ang Sinulog😥 anyways, thanks for this great blog. lingaw kaayo…^__~

  10. […] Painit na! No coffee, no tea, just SIKWATE!!! […]

  11. asa man dire sa syudad sa sugbo ang lami na poto og sikwate? lame sab ikaon og bingka.

    • Hi Sir, salamat sa paglabay dinhi. Ambot kaha uy kung asa gyud, sa merkado sa carcar, ug tingai sa mga merkado in general makakita ta’g lamian nga puto. tagsa na man lang gud ang puto ron. Pero bingka, matod nila, lami dang nang gihimo sa mandaue.

  12. hastang buanga! karon pa ko kalabay diri og pirteng lingawa nako og basa!
    mukaon ka og “pussy” “pusi?” mao ni pangutana sa akong gwatsinanggo nga manghod! pag una kaingun ko hala kabastos!!! hehehe diay “pusi” para sa puto og sikwate!
    maayong adlaw ninyong tanan!

    • hala, wa jud ko kahibalo unsa nang matanga sa pagkaon og pagkaon man gyud na. hahaha… kasi-aw.

  13. ahaka karun ra pod ko kahinumdom nga batirol, pagbasa nako’s comment ni rey hehehehe…

  14. ellow dai ann, lingaw jud ko sa imong blog duh, sige lang ko agik-ik,, hahaha,, bitaw oy, basi ang gina-mean ni maritess bah, bugas tapol, kanang isagol sa pilit aron medyo brown… salamat sa imong makagugutom nga blog,, gimingaw hinuoon ko og maau sa akong lolo kay iya jud dayon mi papainiton anang puto og sikwate..hahahayyy,,, very rare na lang jud nang pagkaona sa pagkakaron nga tiempo… hmmm, magpraktis ko ana og luto beh kay aron matilawan sa akong mga kids… tnx again, it’s so nice to remisnice this gold old ways of our very own dish!

  15. Hello, Dai Ann,
    Sa kani nga istorya, aduna pod koy mahinumduman sa akong mga kaagi sauna. About aning puto ug sikwati. Hangtod kron paburito gihapon nako ni. Murag na encouraged nuon ko mag make pod ug story about sa ako pod nga experience ani, Dai. heheh..

  16. Hahaha, until now cge gihapon kog kaon ug Puto ug Sikwati mabuntag, pero arang2x gihapon ang pagkatimpla, cguro not exactly like before pero anggid2x ra jud kaau, ang sikwati lang, kay kasagaran sa Sikwati karon dili na jud kaau pure ang tablea ug kung pure man gani di pud exact ang ratio sa tablea ug sa tubig (bali commericialize na kaau ang pagkabuhat).

    Para nako dili man jud ni mawala nga tradition (ug dili jud angay mawala).
    Ang importante lang katong mga tigluto ug Puto, naa sila kabinlan kung giunsa jud nila pagluto ang lamiang puto sa kabanay ba or suod nga higala (for negosyo purposes or legacy lang jud), kay naa man jud tay gitawag ug atong tatak sa pagluto nga kasagaran naa pud silay ilang sekreto (kanya-kanyang style)…

    Salamat ani nga Post maayo kaau ni ipabasa sa mga kabatan-onan karon nga lahus ra ug Jollibee/Mc Do ug unsa pa, wala sila kabaw unsa kalami atong gipangkaon sa una and yet barato ra jud kaau imong 100 pesos pila nay magtabang ug kung sa mga bagong mga fastfood ka ikaw ray makakaon sa imong 100 pesos kulang pa gani usahay… hehehe


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: