Tambay goes Sosyal (for a night)

Nakahigayon ko’g lili sa kalibutan sa mga layshohan (sosyal) niadtong Biyernes sa gabii, Disyember 19 aron kuno mag-Christmas “party”. Human sa among sinjing (exchanging) gifts sa opisina, midiretso mi sa Marco Polo Plaza. Pag-abot nako didto wala ra man ko nangangha kay dili man sad hinuon to first time nga nakakita ko’g hotel – pareha ra man pud diay og nawng sa picture.

Apan pagsulod namo’s kan-anan, na-imagine lang nako’g kalit ang Freedom Park og pungko-pungko. Wala lang…managlahi gyud sila nga kalibutan (needless to say, of course). Kato mao’y labing dako nga eat all you can nga akong nakit-an og nasulayan. Si sir, gilawgan dayon mi’g Japanese foods sa among first round. Salmon sashimi, sushi ug uban pang pagkaon nga wa ko kaila. Ganahan ra gyud kuno syang patilawon mi kay inig second round, kami na kuno’y magbuot. Mura’g naka-adapt na tingali si Sir sa Filipino hospitality. In fairness, refreshing ug healthy man pud ang mga pagkaon sa Hapon.

Nakit-an nako si Gwen Garcia didto, uban ang iyang pamilya. Wala lang, ni-share lang ko. Samtang nanihapon, nag-istoryaanay mi sa among mga bossing nga French.  Aron magkasinabtanay, nag-iningles mi inubanan sa diyutay sign language, kahilom sa tunga-tunga sa istorya, ug tando-tando.

Bisan diay ang mga French naa’y mga kinaiyang pagka-Pilipinhon. Si Tiff, half-Nigerian half-English nga nagdako sa France, duol sa iyang pamilya. Gani, gimingaw na kuno siya sa iyang mga igsuon ug sa iyang mga ginikanan. Abi man gud nako nga ang mga Pinoy ra ang naa’y traits nga “close family ties”.

Ug naghisgot pud sila sa kalisod sa kinabuhi ngadto sa France, nga ang ubang kabatan-unan dili pud ganahan mo-eskwela kay inig human, wala ra man diay kuno’y klarong trabaho nga padulngan. Tagsa ra pud kuno sila mag-taxi didto kay mahal. Matod pa pud ni Olivier, sa Pilipinas, kon pobre ka basta maningkamot lang ka ug maayo kang modiskarte, pwede kang makwartahan kung baga from rags to riches”apan sa France, 0.0001% kuno ang posibilidad nga maharuhay ang imong kinabuhi kung gipakatawo kang pobre. Dili mahimo ang SMEs (small and medium enterprises) didto kay di pa gani ka makasugod sa imong gamayng negosyo, mahurot na imong kapital og bayad sa mga buhis, asikaso sa papeles, ug uban pang requirements.

Pero nindot sa France kay ila gyung gitagaan og importansya ang arts. Hinuon sad, unsaon na lang ang Louvre Museum, Orsay Museum, ug Pompidou Center. Gipasigarbo pud ni Tiffany nga sa ilang nasud, bisan sa kadalanan makakita ka’g daghang pintor o di ba kaha iskultor.

Taas tong gabhiona apan payts ra. Daghan pud mi naistoryaan, niseryoso gud mi’g kadiyot. Nakahisgot pa gyud diay to sila’g SEO, codes, Marie Antoinette, Lacroix, photoshop, ug katong evolution sa diskette, ug “reality” game sa France. Hangtod nga niingon na mi’g ”Let’s call it a night” kay nagkabugnaw ug nagkamingaw na ang palibot. Pag-uli nako, mura ko’g gikabuhi, nalipong ko ug gasige’g panug-ab. Ayay… Dyspepsia?

Cebuano attempts Pinalid nga Panid

Responses

  1. mga techie sab imo mga office mates \m/

  2. ana lang. computer whiz tong duha. pun-an pang et nga sunggo pud kaayo kaistorya… hehehe… samot…

  3. […] Tambay goes Sosyal (for a night) Posted by: annpeace | February 27, 2009 […]

  4. hala pwerti jud nindota sa imong tambayan super “S” jud… hala padayon kay mao nlang sad ni ako tambayan matag-unya.
    hala Dyspepsia? hahahahha super jud oi lingao ko sa imo blogs da medyo komedi gamay…

    bisita sad ko panagsa ha Annpeace…
    http://www.rudscyberwords.blogspot.com


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: